Riyadloh : Antara Hak Allah jeung Hak Manusa

KH. Enjang Misbah

Kamis 10 September 2015

Hak Alloh nyiptakeun sakabeh manusa malah jeung jin, hak manusa jeung jin kudu ibadah nyembah Alloh Dzat Maha Pencipta.

Hak Alloh ngahampura kana sagala dosa anu diperbuat ku manusa, hak manusa ulah migawe dosa anu ngahalangan kana panghampura Alloh saperti musyrik.

Hak Alloh ngabales kana amal perbuatan manusa hak manusa ngalobakeun amal kahadean anu layak kenging balasan hade ti Alloh.

Hak Alloh mere izin ka kanjeng Rosul saw pikeun syafaat / pembelaan ka ummatna, hak manusa ngahindar tina laku lampah anu matak teu di aku ummat ku kanjeng Rosul Muhammad SAW.

Hak Alloh ngaijabah kana do’a manusa, hak manusa ngadu’a ka Alloh kalawan yaqin kana ijabahna ti Alloh.