Kamis, 24 September 2015
1. Idul Fitri (lebaran Romadlon) di dunia
2. Idul Adha (lebaran Haji) di dunia
3. Ningali Dzat Allah di surga di akherat
Lebaran Romadlon jadi kabungah sabab saba'da lelah, payah, jerih, cape merangan hawa nafsu, ngajalani kawajiban, utamina saom sabulan, oge seluruh kegiatan anu terkait jeung saom. Beres tuntas sabulan ditutup, datang kabungah. Malah jalmi nu teu milu puasa ge marilu barungah. Numatak ieu poe dingaranan "Yaum As-Surur" (hari kabungahan).
Lebaran Haji jadi kabungah sabab sok sanajan teu pati gede gawe tur cape, da memang teu aya kawajiban saom, tapi dina eta poe dianjurkeun ku Rosul, motong hewan ngabagi-bagi daging hewan qurban. Malah sok sanajan kabagean saeutik, atawa bahkan teu kabagean, tapi karasana teh barungah sarerea.
Ningali Dzat Allah di surga, ieu kabungah nu teu aya bandingannana, sabab mangrupakeun ni'mat anu pang badag-badagna, teu bisa diitung loba jeung gedena, malah ku Rosul di sifatan فلاعين رآت ولاأذن سمعت ولاقلب بشر خطرت "Teu bisa katempo ku panon, teu bisa kadenge ku ceuli, teu bisa dikeretegkeun ku hate satiap jalma". Sakumaha aya dina dawuhan Allah :
وحوه يومئذ ناضرة * الى ربها ناظرة
"Raray-raray marahmay, maloncorong, barungah ningali Dzat Allah di surga".
Aya opat konci pikeun meunangkeun ni'mat pangbadagna buktosna ningali Allah di surga :
1. اكثار تلاوة القران ; Ngalobakeun maca Qur'an
2. اكثار الصداقة : Ngalobakeun shodaqoh
3. اكثار الاعتكاف فى المسجد : Ngalobakeun I'tikaf di Mesjid
4. اكثار أعمال الصالحات : Ngalobakeun amal anu soleh
Tidak ada komentar:
Posting Komentar
Bagi yang ingin berkomentar silahkan disini